khmerhotnews

Wednesday, July 20, 2016

ទឹកផ្លែឈ័ររី អាចជួយឲ្យគេងលក់ស្រួល

យោងតាមក្រុមអ្នកស្រាវជ្រាវអន្តរជាតិមួយក្រុម បានបង្ហាញថា ការញ៉ាំនូវទឹកផ្លែឈ័ររីជាប្រចាំ នឹងជួយឲ្យវដ្ដនៃការគេងរបស់មនុស្សដំណើរការបានល្អ និងបង្កើនការគេងលក់សម្រាប់អ្នកដែលកើតជំងឺគេងមិនលក់។ ក្រុមអ្នកជំនាញបានអះអាងថា ទឹកផ្លែឈ័ររីអាចជួយដល់អ្នកគេង

មិនលក់បាន គឺដោយសារតែវាមានផ្សំទៅដោយអ័រម៉ូនម៉េឡាតូនីន (Melatonin) ខ្ពស់។
អ្នកស្រាវជ្រាវម្នាក់ របស់ក្រុមដែលស្រាវជ្រាវពីបញ្ហានេះ មកពីសាកលវិទ្យាល័យ Northumbria បានឲ្យដឹងថា នៅពេលដែលរាត្រីកាលមកដល់ រាងកាយរបស់យើងបានផលិតនូវ ម៉េឡាតូនីន ដើម្បីជាសញ្ញាប្រាប់ថា នេះគឺជាពេលដែលត្រូវចូលគេង។ ទឹកផ្លែឈ័ររី បានបន្ថែមនូវម៉េឡាតូនីន ដូច្នេះវាបានបង្កើនសញ្ញានៃការគេងកាន់តែខ្លាំងថែមទៀត។
ដោយសារតែវាមានប្រយោជន៍បែបនេះហើយ ទើបវាត្រូវបានគេណែនាំឲ្យដល់អ្នកដែលកើតជំងឺកេងមិនលក់ ឬគេងលក់មិនស្កប់ស្កល់។ គួរបញ្ជាក់ផងដែរថា ផ្លែឈ័ររី គឺត្រូវបានគេចាត់ទុកថាជាផ្លែឈើដ៏មានប្រយោជន៍ចំពោះសុខភាពជា ច្រើន ដោយវាមិនត្រឹមតែអាចកែខៃការគេងមិនលក់ប៉ុណ្ណោះទេ ប៉ុន្ដែវាក៏ជាផ្លែឈើដែលអាចកាត់បន្ថយហានីភ័យនៃជំងឺបេះដូង ជំងឺស្ដ្រូក និងជំងឺមហារីកបានទៀតផង៕

ប្រភព : http://read.khmernews.today/article/44980

Thursday, July 7, 2016

តំបន់ត្រពាំងឈូក ជង្រុកបង្កើតកូនចៅគ្រឿងញៀន

ថ្ងៃព្រហស្បតិ៍ ទី៧ ខែកក្កដា ឆ្នាំ២០១៦ ម៉ោង ១៩:៤២ (07-07-2016 19:42)រាជធានីភ្នំពេញ ៖ យុវជន១១នាក់ត្រូវបាននគរបាលខណ្ឌសែនសុខឃាត់ខ្លួន ក្នុងប្រតិបត្តិការ ត្រួតពិនិត្យរដ្ឋបាល កាលពីវេលាម៉ោង១០និង៣០ព្រឹកថ្ងៃទី០៧ ខែកក្កដា ឆ្នាំ២០១៦នៅក្នុងតំបន់ស្មុគស្មាញ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។ ការត្រួតពិនិត្យរដ្ឋបានឃាត់ខ្លួនយុវជនញៀនថ្នាំនេះដឹកនាំដោយលោក គួក សុខហួរ អធិការរងនគរបាលខណ្ឌ សែន សុខ និងដោយមានការសម្របសម្រួលពីលោក ងិន ពេជ្រ ព្រះរាជ អាជ្ញរង នៃអយ្យការអមសាលាដំបូងរាជធានីភ្នំពេញ។លោកអធិការខណ្ឌ សែន សុខ បានឲ្យដឹងថា តំបន់ត្រពាំងឈូកជាតំបន់ស្មុគស្មាញ ត្រូវបានអាជ្ញាធរក៏ដូចជាសមត្ថកិច្ចនគរបាលខណ្ឌយកចិត្តទុកដាក់យ៉ាងខ្លាំង ហើយចុះត្រួតពិនិត្យរដ្ឋបាលជាប្រចាំរៀងរាល់សប្តាហ៍។ ដោយមានបទបញ្ជាពីលោកអធិការ សមត្ថកិច្ចរបស់លោក ក៏បានចុះមកត្រួតពិនិត្យរដ្ឋបាលដោយឃាត់ខ្លួនបានក្រុមយុវជនចំនួន១១នាក់ ខណៈពេលដែលពួកគេកំពុងតែប្រមូលផ្តុំគ្នា ប្រើប្រាស់គ្រឿងញៀន។នៅក្នុងការឃាត់ខ្លួននេះដែរសមត្ថកិច្ចដកហូតបានសម្ភារៈសម្រាប់ប្រើប្រាស់គ្រឿងញៀនមួយចំនួន និងម៉ូតូចំនួន២គ្រឿង។ ក្រុមយុវជនទាំងនោះត្រូវបានសមត្ថកិច្ចបញ្ជូនទៅកាន់អធិការដ្ឋានខណ្ឌ សែន សុខ ដើម្បីសាកសួរ និងចាត់ការតាមច្បាប់។ បញ្ជាក់ថា តំបន់ត្រពាំងឈូក ជាសំណង់មិនរៀបរយដែលជាកន្លែង សម្រាប់ជួញដូរ ផ្តល់ទីតាំងឲ្យក្រុមអ្នកញៀនថ្នាំ បាននាំគ្នាទៅប្រើប្រាស់គ្រឿងញៀនយ៉ាងពពាក់ពពួនហើយសមត្ថកិច្ចចុះបង្ក្រាបជាបន្តបន្ទាប់៕https://lk-td.adnow.com/?c=login&a=confirm&email=nyny55266%40gmail.com&hash=a5aa6eb6a1acbc6f5a19e033777982eb

ប្រភព៖www.khmerhotn.blogspot.com

បើកលឿន តែដេកលក់មួយភាំង មានអី!

៖ ដោយ៖វ៉ាន់ ប៊ុនធឿន ថ្ងៃព្រហស្បតិ៍ ទី៧ ខែកក្កដា ឆ្នាំ២០១៦ ម៉ោង ១៦:១៧ (07-07-2016 16:17)ខេត្តស្វាយរៀង ៖ រថយន្តកាមរីបាឡែនមួយគ្រឿង អត់ស្លាកលេខបើកដោយបុរសម្នាក់ ក៏បានបោះពួយល្បឿនយ៉ាងលឿនពេញទំហឹង តាមបណ្តោយផ្លូវជាតិលេខ១៣ ពីត្បូងទៅជើង ស្រាប់តែមកដល់ចំណុចការដ្ឋានស៊ីណូហាយដ្រូ ក៏រេចង្កូតធ្លាក់ផ្លូវហោះផ្លោងក្រឡាប់រាប់សិបត្រឡប់ ដូចរឿងកុនចិនហុងកុង បណ្តាលឱ្យរថយន្តរងការខូចខាតស្ទើទាំងស្រុង ។បន្ទាប់មក គេឃើញជនរងគ្រោះ ដែលជាអ្នកបើកបរលូនចេញពីរថយន្តប្រឡាក់ផុកស្រម៉ក សំណាងល្អគ្រាន់តែរបួសរលាត់ដៃជើងបន្តិចបន្តួចប៉ុណ្ណោះ ដែលគ្រោះថ្នាក់ចរាចរណ៍នេះកើតឡើងកាលពីវេលាម៉ោង០៥ និង១៥នាទីល្ងាចថ្ងៃទី០៦ កក្កដា ២០១៦ស្ថិតនៅលើកំណាត់ផ្លូវលេខ១៣ ត្រង់ចំណុចខាងមុខការដ្ឋានសាងសង់ផ្លូវ ក្រុមស៊ីណូហាយដ្រូ (ក្រុមហ៊ុនចិន) ក្នុងភូមិពភ្លាសង្កាត់សង្ឃ័រ ក្រុងស្វាយរៀង ។មូលហេតុ គឺអ្នកបើកបរក្នុងស្ថានភាពងងុយដេក ក៏ងោកមួយភាំង ជើងជាន់ហ្គែរកប់ ធ្វើឱ្យរថយន្តហោះផ្លោង ចុះពីលើថ្នល់ចុះវាលស្រែក្រឡាប់តែម្តង ។ ចំណែករថយន្តត្រូវក្រពិតស្ទើរមើលលែងយល់ ។ រីឯអ្នកបើកបរសំណាងល្អ គ្រាន់តែរលត់ដៃជើង បន្តិចបន្តួចប៉ុណ្ណោះ ។ទោះជាយ៉ាងណា ហេតុការណ៍ខាងលើ មិនបង្កឱ្យអ្នកធ្វើដំណើរណាម្នាក់ រងគ្រោះថ្នាក់ឡើយ សមត្ថកិច្ចបានហៅរថយន្តស្ទូចយកទៅដាក់យានដ្ឋានជួសជុល ។

បំរាមចេញហើយ! «ស៊ីបានចេះតែស៊ីទៅ» និង «ទាល់តែយូរ ទើបស៊ីអូនបាន»

ដោយ ៖ សុខ វាសនា ថ្ងៃព្រហស្បតិ៍ ទី៧ ខែកក្កដា ឆ្នាំ២០១៦ ម៉ោង ១៤:១៣ (07-07-2016 14:13)រាជធានីភ្នំពេញ ៖ ក្រសួងព័ត៌មានបានចេញលិខិតផ្លូវការណ៍មួយ ទៅកាន់ម្ចាស់ស្ថានីយវិទ្យុ-ទូរទស្សន៍ទាំងអស់ ត្រូវបញ្ឈប់ការចាក់ផ្សាយបទចម្រៀង «ស៊ីបានចេះតែស៊ីទៅ» របស់លោកកែវ វាសនា និងបទ «ទាល់តែយូរ ទើបស៊ីអូនបាន» របស់កញ្ញាម៉ាលីស ដែលកំពុងទទួលរងការរិះគន់យ៉ាងខ្លាំងពីគ្រប់មជ្ឈដ្ឋាន ។ក្រសួងព័ត៌មានបានចាត់ទុកបទចម្រៀងទាំង២បទខាងលើ គឺមានផលប៉ះពាល់ខ្លាំង ដល់តម្លៃវប្បធម៌ជាតិ និងមានអត្ថន័យប្រាសចាកពីក្រមសីលធម៌ខ្មែរធ្ងន់ធ្ងរ ។យោងតាមសេចក្តីប្រកាសរបស់ក្រសួងព័ត៌មានបានឱ្យដឹងបទចម្រៀងទាំង២ «ស៊ីបានចេះ តែស៊ីទៅ» និង«ទាល់តែយូរ ទើបស៊ីអូនបាន» គឺមានការប៉ះពាល់ខ្លាំងដល់តម្លៃវប្បធម៌ជាតិ និងមានអត្ថន័យប្រាសចាក ពីក្រុមសីលធម៌ខ្មែរធ្ងន់ធ្ងរ និងធ្វើឱ្យប៉ះពាល់ដល់កិត្តិយស និងតម្លៃស្ត្រីខ្មែរថែមទៀត ។ដូច្នេះ ដើម្បីចៀសវាងការទទួលលទ្ធផលអវិជ្ជមានក្នុងសង្គម តាមរយៈការផ្សាព្វផ្សាយបទចម្រៀងទាំង២នេះ ក្រសួងព័ត៌មានស្នើ លោក លោកស្រី ម្ចាស់ស្ថានីយ វិទ្យុ ទូរទស្សន៍ទាំងអស់ បញ្ឈប់ការចាក់ផ្សាយបទចម្រៀងទាំងពីរបទនេះ ចាប់តាំងពីថ្ងៃជូនជូនដំណឹងនេះតទៅ ។ មុននឹងចេញសេចក្តីប្រកាសជូនដំណឹងរបស់ក្រសួងព័តមាននេះ តារាចម្រៀងលោកកែវ វាសនា បានបង្ហោះសារដល់ប្រិយមិត្តគាំទ្រ ក្នុងនោះបានចាត់ទុកការរិះគន់នោះ អាចជាចំណុចវិជ្ជមាន និងអវិជ្ជមាន ។ លោកបានសសេរថា «មួយរយៈនេះ តាំងពីចេញបទស្រី «ទាល់តែយូរ ទើបស៊ីអូនបាន» មក បទខ្ញុំមួយបទ ក៏បានល្បីយ៉ាងខ្លាំង ។ អរគុណបងប្អូនតាំងអស់ ដែលបានរិះគន់ ដើម្បីស្ថាបនា តែសូមចិត្តកុំរិះគន់បំបាក់ទឹកចិត្តអ្នកផលិត ព្រោះបើយើងគ្រាន់តតែចាំស្តាប់ហើយ រិះគន់នោះ គឺស្រួលណាស់ តែគ្នាអ្នកផលិត ដើម្បីតម្រូវចិត្តអ្នកស្តាប់ គឺពិបាកខ្លាំងណាស់ គ្មានអ្នកណាមិនធ្លាប់ខុសទេ ខ្ញុំម្នាក់ឯង ក៏មិនអាចតម្រូវចិត្តបងប្អូនទាំងអស់គ្នាដែរ តែពួកខ្ញុំនឹងខឹតខំផលិត Original song (បទថ្មី) ឱ្យបានច្រើន ហើយខ្ញុំសង្ឃឹមថា បងប្អូននឹងចេះឲ្យតម្លៃបទថ្មី ។ដោយឡែក តារាចម្រៀងម៉ាលីស ក៏បានសសេរសុំទោសផងដែរថា «សូមអភ័យដល់ fan និងពុកម៉ែបងប្អូន នៅក្នុងបណ្តាញសង្គម Facebook ទាំងអស់គ្នាផង ហើយក៏អរគុណដល់ការរិះគន់ ចំពោះរូបនាងខ្ញុំដែរ បានបកស្រាយបទចំរៀង កាលពីថ្ងៃទី៣នៅ MyTv ដែលធ្វើឱ្យមានការមិនពេញចិត្តនៅបទចំរៀងមួយនេះ តែនាងខ្ញុំចង់ប្រាប់ថា នេះគ្រាន់តែជាអត្ថន័យនៃបទចំរៀងហើយខ្ញុំទទួលស្គាល់ថា បទមួយនេះជាបទចម្លង តែនាងគ្រាន់តែ Cover តែប៉ុណ្នោះ»

ដោ»

ថ្ងៃព្រហស្បតិ៍ ទី៧ ខែកក្កដា ឆ្នាំ២០១៦ ម៉ោង ១៤:១៣ (07-07-2016 14:13) រាជធានីភ្នំពេញ ៖ ក្រសួងព័ត៌មានបានចេញលិខិតផ្លូវការណ៍មួយ ទៅកាន់ម្ចាស់ស្ថានីយវិទ្យុ-ទូរទស្សន៍ទាំងអស់ ត្រូវបញ្ឈប់ការចាក់ផ្សាយបទចម្រៀង«ស៊ីបានចេះតែស៊ីទៅ» របស់លោកកែវ វាសនា និងបទ «ទាល់តែយូរ ទើបស៊ីអូនបាន» របស់កញ្ញាម៉ាលីស ដែលកំពុងទទួលរងការរិះគន់យ៉ាងខ្លាំងពីគ្រប់មជ្ឈដ្ឋាន ។ក្រសួងព័ត៌មានបានចាត់ទុកបទចម្រៀងទាំង២បទខាងលើ គឺមានផលប៉ះពាល់ខ្លាំង ដល់តម្លៃវប្បធម៌ជាតិ និងមានអត្ថន័យប្រាសចាកពីក្រមសីលធម៌ខ្មែរធ្ងន់ធ្ងរ ។យោងតាមសេចក្តីប្រកាសរបស់ក្រសួងព័ត៌មានបានឱ្យដឹងបទចម្រៀងទាំង២ «ស៊ីបានចេះ តែស៊ីទៅ» និង«ទាល់តែយូរ ទើបស៊ីអូនបាន» គឺមានការប៉ះពាល់ខ្លាំងដល់តម្លៃវប្បធម៌ជាតិ និងមានអត្ថន័យប្រាសចាក ពីក្រុមសីលធម៌ខ្មែរធ្ងន់ធ្ងរ និងធ្វើឱ្យប៉ះពាល់ដល់កិត្តិយស និងតម្លៃស្ត្រីខ្មែរថែមទៀត ។ដូច្នេះ ដើម្បីចៀសវាងការទទួលលទ្ធផលអវិជ្ជមានក្នុងសង្គម តាមរយៈការផ្សាព្វផ្សាយបទចម្រៀងទាំង២នេះ ក្រសួងព័ត៌មានស្នើ លោក លោកស្រី ម្ចាស់ស្ថានីយ វិទ្យុ ទូរទស្សន៍ទាំងអស់ បញ្ឈប់ការចាក់ផ្សាយបទចម្រៀងទាំងពីរបទនេះ ចាប់តាំងពីថ្ងៃជូនជូនដំណឹងនេះតទៅ ។ មុននឹងចេញសេចក្តីប្រកាសជូនដំណឹងរបស់ក្រសួងព័តមាននេះ តារាចម្រៀងលោកកែវ វាសនា បានបង្ហោះសារដល់ប្រិយមិត្តគាំទ្រ ក្នុងនោះបានចាត់ទុកការរិះគន់នោះ អាចជាចំណុចវិជ្ជមាន និងអវិជ្ជមាន ។ លោកបានសសេរថា «មួយរយៈនេះ តាំងពីចេញបទស្រី «ទាល់តែយូរ ទើបស៊ីអូនបាន» មក បទខ្ញុំមួយបទ ក៏បានល្បីយ៉ាងខ្លាំង ។ អរគុណបងប្អូនតាំងអស់ ដែលបានរិះគន់ ដើម្បីស្ថាបនា តែសូមចិត្តកុំរិះគន់បំបាក់ទឹកចិត្តអ្នកផលិត ព្រោះបើយើងគ្រាន់តតែចាំស្តាប់ហើយ រិះគន់នោះ គឺស្រួលណាស់ តែគ្នាអ្នកផលិត ដើម្បីតម្រូវចិត្តអ្នកស្តាប់ គឺពិបាកខ្លាំងណាស់ គ្មានអ្នកណាមិនធ្លាប់ខុសទេ ខ្ញុំម្នាក់ឯង ក៏មិនអាចតម្រូវចិត្តបងប្អូនទាំងអស់គ្នាដែរ តែពួកខ្ញុំនឹងខឹតខំផលិត Original song (បទថ្មី) ឱ្យបានច្រើន ហើយខ្ញុំសង្ឃឹមថា បងប្អូននឹងចេះឲ្យតម្លៃបទថ្មី ។ដោយឡែក តារាចម្រៀងម៉ាលីស ក៏បានសសេរសុំទោសផងដែរថា «សូមអភ័យដល់ fan និងពុកម៉ែបងប្អូន នៅក្នុងបណ្តាញសង្គម Facebook ទាំងអស់គ្នាផង ហើយក៏អរគុណដល់ការរិះគន់ ចំពោះរូបនាងខ្ញុំដែរ បានបកស្រាយបទចំរៀង កាលពីថ្ងៃទី៣នៅ MyTv ដែលធ្វើឱ្យមានការមិនពេញចិត្តនៅបទចំរៀងមួយនេះ តែនាងខ្ញុំចង់ប្រាប់ថា នេះគ្រាន់តែជាអត្ថន័យនៃបទចំរៀងហើយខ្ញុំទទួលស្គាល់ថា បទមួយនេះជាបទចម្លង តែនាងគ្រាន់តែ Cover តែប៉ុណ្នោះ»

www.khmerhotn.blogspot.com

Wednesday, July 6, 2016

រថយន្ដក្រុងរបស់រដ្ឋគ្រោងពង្រីកសេវាដឹកអ្នកដំណើរទៅគ្រប់បណ្ដាខេត្ត

ថ្ងៃព្រហស្បតិ៍ ទី៧ ខែកក្កដា ឆ្នាំ២០១៦ ម៉ោង ០៧:១៥ (07-07-2016 07:15)រាជធានីភ្នំពេញ ៖ បើទោះបីមានការខាតបង់ប្រមាណ១០ម៉ឺនដុល្លារជារៀងរាល់ខែ សម្រាប់ចំណាយទៅលើសេវាខ្សែរថយន្តក្រុងដឹកអ្នកដំណើរសាធារណៈក្តី តែរដ្ឋបាលរាជធានីភ្នំពេញមិនរាថយឡើយ សំខាន់ផលចំណេញបានទៅលើប្រជាពលរដ្ឋ និងជាទិសដៅថ្ងៃអនាគត រដ្ឋាករស្វយ័តដឹកជញ្ជូនសាធារណៈរថយន្តក្រុងនៅតែបន្តជំរុញការពង្រីកខ្សែរត់បន្ថែមឲ្យបានច្រើននៅឆ្នាំ២០១៨ និងបន្ថែមឲ្យបានស្ទើរតែពាសពេញរាជធានីភ្នំពេញ នៅឆ្នាំ២០២០ខាងមុខ ហើយគ្រោងនឹងពង្រីកទៅគ្រប់បណ្ដាខេត្ត-ក្រុងទូទាំងប្រទេស ។ នេះបើតាមការអះអាងពីមន្ត្រីរដ្ឋបាលរាជធានីភ្នំពេញ ។អភិបាលរដ្ឋាករស្វយ័តដឹកជញ្ជូនសាធារណៈរថយន្តក្រុងរបស់រដ្ឋបាលរាជធានីភ្នំពេញ លោក អ៊ាន សុឃីម បានឲ្យដឹងថា ក្នុងរយៈពេលកន្លងមក មានពលរដ្ឋប្រមាណចន្លោះពី៦,៥ពាន់នាក់ទៅ៧ពាន់នាក់ក្នុងមួយថ្ងៃបានជិះរថយន្តនេះ ហើយអ្នកដែលជិះមិនបង់ថ្លៃ មានដូចជា កូនសិស្ស ជនចាស់ជរា និងជនពិការប្រមាណ៤០% ជារៀងរាល់ថ្ងៃ ។ បើគិតពីចំណូល និងការចំណាយវិញ រដ្ឋបាលរាជធានីមានការខាតបង់ជារៀងរាល់ខ ទៅលើប្រាក់ខែបុគ្គលិក ការចំណាយហ្គាស និងការងារជួសជុល ដែលច្រើនជាងចំណូលតែម្តង ហេតុនេះរដ្ឋត្រូវបំពេញបន្ថែម ។« ទោះបីរដ្ឋមានការខាតបង់ជារៀងរាល់ខែក្តី តែរដ្ឋបាលរាជធានីភ្នំពេញនៅតែខិតខំពង្រីកបន្ថែមខ្សែរត់ឲ្យបានច្រើនទៀត ក្នុងនោះតាមរយៈជំនួយរបស់អង្គការចៃកា ប្រទេសជប៉ុន ដែលគ្រោងផ្តល់ជំនួយឧបត្ថម្ភរថយន្តក្រុងចំនួន១៨០គ្រឿងបន្ថែមទៀត គឺនៅឆ្នាំ២០១៨ គ្រោងផ្តល់ចំនួន៩០គ្រឿង, ឆ្នាំ២០២០ចំនួន៥០គ្រឿង និងសល់៤០គ្រឿងកំពុងពិចារណា»។ នេះបើតាមការអះអាងរបស់អភិបាលរដ្ឋាករស្វយ័តដឹកជញ្ជូនសាធារណៈរថយន្តក្រុងរូបនេះ ។លោកបញ្ជាក់ថា មូលហេតុដែលចំនួនអ្នកជិះពុំមានការកើនឡើង ដោយសារមានខ្សែរត់តែ៣ខ្សែ មិនបានទៅដល់គោលដៅដែលពលរដ្ឋចង់បាន ហេតុនេះហើយរដ្ឋបាលរាជធានីភ្នំពេញ បាននិងកំពុងត្រៀមពង្រីកឲ្យបានច្រើនខ្សែ ឬទូទាំងរាជធានីភ្នំពេញតែម្តង ទើបមានអ្នកជិះច្រើន។ លោកនិយាយថា ៖ « បច្ចុប្បន្ន រដ្ឋាករស្វយ័តដឹកជញ្ជូនសាធារណៈរថយន្តក្រុង មានរថយន្តបម្រើសាធារណៈចំនួន៥៧គ្រឿងសម្រាប់ខ្សែរត់ចំនួន៣ ក្នុងនោះរថយន្ត៣៤គ្រឿងបានដំណើរការរាល់ថ្ងៃ និង១៤គ្រឿងទៀតសម្រាប់ត្រៀមបម្រុង » ។កាលពីពេលកន្លងមក លោក ប៉ា សុជាតិវង្ស អភិបាលរាជធានីភ្នំពេញ បានលើកឡើងថា នៅពេលឆាប់ៗខាងមុខនេះ រដ្ឋបាលរាជធានីភ្នំពេញមានគម្រោងពង្រីកសេវាកម្មខ្សែរថយន្តដឹកជញ្ជូនសាធារណៈរបស់ក្រុង ឲ្យទៅដល់គ្រប់បណ្តាខេត្ត-ក្រុងនៅទូទាំងប្រទេស ទោះបីពេលនេះ សេវាខ្សែរថយន្តក្រុងសាធារណៈនៅភ្នំពេញមានការខាតជារៀងរាល់ខែក្តី គឺនៅតែមានជំហរមិនរាថយឡើយ ។ ការពង្រីកសេវាបែបនេះ ដើម្បីយកសេវាពីខេត្តទៅចិញ្ចឹមសេវាដឹកជញ្ជូននៅក្នុងក្រុងផងដែរ ហើយអាជ្ញាធរភ្នំពេញនៅតែអនុគ្រោះមិនតម្រូវឲ្យយកប្រាក់ពីប្រជាពលរដ្ឋចំនួន៤ប្រភេទ គឺសិស្ស ព្រះសង្ឃ ជនចាស់ជរា និងជនពិការ ដដែល ។សូមបញ្ជាក់ថា ខ្សែរថយន្តក្រុងសម្រាប់ដឹកអ្នកដំណើរសាធារណៈនៅរាជធានីភ្នំពេញ ទាំង៣ខ្សែរួមមាន ៖១-ខ្សែទី១ ចាប់ផ្តើមពីម៉ោង៥និង៣០នាទី ដល់ម៉ោង៨និង៣០នាទី ដោយចេញដំណើរពីចំណតគីឡូម៉ែត្រលេខ៩ ឫស្សីកែវ តាមផ្លូវជាតិលេខ៥ រង្វង់មូលស្តាតចាស់ មហាវិថីព្រះមុនីវង្ស ស្ពានព្រះមុនីវង្ស ឆ្ពោះទៅផ្លូវជាតិលេខ១ រហូតដល់ចំណតបឹងឈូក រួចត្រឡប់មកវិញ ហើយខ្សែទី១នេះ មានចំណត៦៧កន្លែង ។២-ខ្សែទី២ ចាប់ផ្តើមពីម៉ោង៥និង៣០នាទី ដល់ម៉ោង៨និង៣០នាទី ដោយចេញដំណើរពីចំណតផ្សាររាត្រី វិថីព្រះស៊ីសុវត្ថិ ស្ពានជ្រោយចង្វា រង្វង់មូលស្តាតចាស់ ផ្លូវលេខ៧០ ផ្លូវលេខ២៧៣ អង់តែនទួលគោក មហាវិថីគីមអ៊ីលស៊ុង មហាវិថីម៉ៅសេទុង ភ្លើងស្តុបបូកគោ មហាវិថីព្រះមុនីវង្ស ឆ្ពោះទៅផ្លូវជាតិលេខ២ gរហូតដល់រង្វង់មូលតាខ្មៅ រួចត្រឡប់មកវិញ ខ្សែនេះមានចំណតចំនួន៦៨កន្លែង ។៣-ខ្សែទី៣ ចាប់ផ្តើមពីម៉ោង៥និង៣០នាទី ដល់ម៉ោង៨និង៣០នាទី ដោយចេញដំណើរ ពីចំណតផ្សាររាត្រី ផ្លូវលេខ១០៦ តិវិថីព្រះនរោត្តម ផ្លូវលេខ១៣០ ផ្សារធំថ្មី មហាវិថីកម្ពុជាក្រោម ក្រោមស្ពានអាកាស៧មករា មហាវិថីសហពន្ធ័រុស្ស៊ី ព្រលានយន្តហោះអន្តរជាតិភ្នំពេញ រហូតដល់ចោមចៅ រួចត្រឡប់មកវិញ ដែលខ្សែទី៣នេះ មានចំណតចំនួន៤៩កន្លែង ៕www.khmerhotn.blogsowww.khmerhotn.blogspot.com

តារាភាពល្បីល្បាញ កាមគុណ និងគ្រោះថ្នាក់

ថ្ងៃព្រហស្បតិ៍ ទី៧ ខែកក្កដា ឆ្នាំ២០១៦ ម៉ោង ០៧:៣០ (07-07-2016 07:30)នៅពេលមនុស្សបានក្លាយជាតារាល្បីហើយនោះ ពួកគេនឹងមានការប្រែប្រួលលើគ្រប់ទិដ្ឋភាពនៃជីវិត។ ជីវភាពធូរធារ និងស៊ីវីល័យគ្របដណ្តប់ភាពក្រីក្រ ឬជីវិតសាមញ្ញដែលពួកគេធ្លាប់មាន។ ប៉ុន្តែអ្វីៗមិនសុទ្ធតែល្អសម្រាប់ពួកគេទេ។ ពេលខ្លះតារាល្បីៗក៏ជាផ្ទាំងស៊ីបនៃតណ្ហារបស់អ្នកមានលុយ ឬអ្នកមានអំណាចផងដែរ។សិល្បៈការិនីល្បីនៅប្រទេសកម្ពុជា ក៏ប្រហែលជាមិនខុសពីតារាល្បីនៅក្នុងប្រទេសផ្សេងដែរ។ ភាពល្បីល្បាញ និងសម្រស់របស់ពួកគេអាចនឹងធ្វើអោយអ្នកមានស្តុកស្តម្ភ ឬក៏អ្នកមានអំណាចប្រាថ្នាចង់បាន ដើម្បីសប្បាយផ្លូវភេទ។ មានសិល្បៈការិនីខ្លះបានត្អូញត្អែរអំពីការអញ្ជើញចេញក្រៅទៅបរិភោគអាហារជាមួយនឹងអ្នកមានលុយ ឬក៏អ្នកមានអំណាចដែលមានគោលដៅចុងក្រោយ គឺបានខ្លួនពួកគេ។ មានមនុស្សប្រុសខ្លះរហូតដល់និយាយត្រង់ៗតាមរយ:អ្នកចាត់ការរបស់សិល្បៈការិនី ឬក៏មិត្តភក្តិអំពីចិត្តចង់របស់ខ្លួននៅក្នុងការភ្លក្សរសជាតិតារាល្បី។សិល្បៈការិនីខ្លះមានសំណាង ឬក៏មានចិត្តរឹងមាំ ក៏អាចរួចផុតពីអន្ទាក់ដុល្លារ ឬក៏ការបង្ខិតបង្ខំ។ ប៉ុន្តែវាក៏ប្រហែលជាមានសិល្បៈការិនីខ្លះមិនអាចរួចខ្លួនដែរ ហើយក៏ខូចខ្លួនដោយសារតែលង់ខ្លួននឹងប្រាក់ដុល្លារ ឬក៏មិនអាចស៊ូទ្រាំនឹងការបង្ខិតបង្ខំបាន។នេះជាផ្នែកមួយដ៏ខ្មៅងងឹតសម្រាប់ជីវិតអ្នកនៅក្នុងវិស័យសិល្បៈ។ វាទាមទារអោយពួកគេមានភាពឆ្លាតវ័យ និងជំនួយគ្រប់គ្រាន់ ដើម្បីដោះខ្លួនពីការប៉ុនប៉ងអាក្រក់។ បើពុំនោះទេ ពួកគេនឹងក្លាយជាចំណីផ្នែកអារម្មណ៍ផ្លូវភេទសម្រាប់ប្រុសព្រាន។នៅពេលដែលមានភាពល្បីល្បាញហើយ សិល្បៈការិនីទាំងអស់ត្រូវតែត្រៀមខ្លួន ដើម្បីដោះស្រាយបញ្ហាកុំអោយក្លាយជាជនរងគ្រោះនៅក្នុងរឿននេះ។បើពុំនោះទេ ពួកគេនឹងមិនអាចរក្សាភាពល្បីល្បាញនៅលើឆាកសិល្បៈបានយូរឡើយ។www.khmerhotn.blogspot.com

បើកម៉ូតូឆ្លងផ្លូវ ត្រូវរថយន្តម៉ាក LEXUS570មួយគ្រឿងបុកស្លាប់

ថ្ងៃពុធ ទី៦ ខែកក្កដា ឆ្នាំ២០១៦ ម៉ោង ១៨:៣៨ (06-07-2016 18:38)ខេត្តកំពង់ឆ្នាំង ៖ បុរសម្នាក់បានរងរបួសយ៉ាងធ្ងន់ធ្ងរ ហើយបានស្លាប់តាមផ្លូវ ពេលដឹកទៅសង្គ្រោះ នៅមន្ទីរពេទ្យឯរាជធានីភ្នំពេញ បន្ទាប់ពីត្រូវរថយន្តម៉ាក ឡិចស៊ីស៥៧០ បុកពេញទំហឹងគ្រាដែល ជនរងគ្រោះជិះ ម៉ូតូឆ្លងថ្នល់ ។ ហេតុការណ៍ដ៏រន្ធ់ នេះបានកើតឡើងនៅវេលាម៉ោង ១និង១០នាទីរសៀល ថ្ងៃទី០៦ ខែកក្កដា ឆ្នាំ២០១៦ នៅលើកំណាត់ផ្លូវជាតិលេខ៥ ត្រង់ផ្លូវបំបែក ក្នុងភូមិផ្សារ ឃុំផ្សារ ស្រុកបរិបូរណ៌។សមត្ថកិច្ចមូលដ្ឋាន បានឲ្យដឹងថា ជនរងគ្រោះមានឈ្មោះ សួន ឈាង អាយុ៣២ឆ្នាំ មានទីលំនៅ ជិតកន្លែងកើតហេតុ ។

ប្រភពបានបន្តថា មុនពេលកើតហេតុ ជនរងគ្រោះបានជិះម៉ូតូ ពីត្បូងទៅជើងលុះមកដល់ចំណុចកើតហេតុ ក៏បានបត់ឆ្វេងឆ្លងថ្នល់ មិនប្រយ័ត្ន ក៏ស្រាប់តែមានរថយន្ត មួយគ្រឿងម៉ាក ឡិចស៊ីស៥៧០ ពណ៌ស មួយគ្រឿង ពាក់ស្លាកលេខ ភ្នំពេញ 2AK-4699 បើកមកពីមុខក្នុងទិសដៅផ្ទុយគ្នា បុកពេញទំហឹង បណ្តាលឲ្យជនរងគ្រោះ ប៉ើងខ្ទាតជាង២០ម៉ែត្រ រងរបួសយ៉ាងធ្ងន់ធ្ងរ និងបាក់ខ្ទេចជើងខាងស្តាំម្ខាង ហើយត្រូវបានដឹកយកទៅសង្គ្រោះនៅមន្ទីរពេទ្យខេត្ត កំពង់ឆ្នាំង ។ ប៉ុន្តែដោយសាររបួសធ្ងន់ធ្ងរពេក គ្រូពេទ្យខេត្ត បានបញ្ជូនបន្តទៅសង្គ្រោះនៅមន្ទីរពេទ្យឯរាជធានីភ្នំពេញ ហើយក៏បានស្លាប់នៅតាមផ្លូវតែម្តង។

ប្រភពដដែលបានបន្តថា ក្រោយពេលកើតហេតុ អ្នកបើកបររថយន្ត មិនបានរត់ទៅណាទេព្រោះទំនងជាខ្សែអ្នកធំ និងបានប្រាប់សមត្ថកិច្ចថា ពួកគាត់ទើបត្រឡប់មកពីហែរទានវស្សា នៅខេត្តបាត់ដំបង និងសូមឲ្យសមត្ថកិច្ច ធ្វើការតាមនិតិវីធីចុះ បន្ទាប់មកសត្ថកិច្ចបានយករថយន្ត និងម៉ូតូទៅរក្សារទុកនៅអធិការដ្ឋាន នគរបាលស្រុក ដើម្បីរង់ចាំការដោះស្រាយតាមនិតិវិធីតាមក្រោយ ៕

www.khmerhotn.blogspot.com

Wednesday, July 20, 2016

ទឹក​ផ្លែ​ឈ័​រ​រី អាចជួយ​ឲ្យ​គេង​លក់​ស្រួល​

Thursday, July 7, 2016

តំបន់​ត្រពាំង​ឈូក ជង្រុក​បង្កើត​កូនចៅ​គ្រឿងញៀន

បើក​លឿន​​ តែ​ដេក​លក់​​មួយ​ភាំង​ មានអី!

បំរាមចេញហើយ! «​ស៊ី​បាន​ចេះ​តែ​ស៊ី​ទៅ​» និង​ «​ទាល់តែ​យូរ ​ទើប​ស៊ី​អូន​បាន​»