ថ្ងៃពុធ ទី៦ ខែកក្កដា ឆ្នាំ២០១៦ ម៉ោង ១០:២២ (06-07-2016 10:22)ខេត្តកណ្តាល ៖ សាកសពបុរសមិនស្គាល់អត្តសញ្ញាណម្នាក់ ត្រូវប្រជាពលរដ្ឋប្រទះឃើញអណ្តែតទឹកទន្លេបាសាក់ បង្កឱ្យមានការភ្ញាក់ផ្អើលកាលវេលាម៉ោង១២ និង៥០នាទីថ្ងៃទី០៥ កក្កដា ២០១៦ ស្ថិតក្នុងភូមិប្ញស្សីស្រុក ឃុំឈើទាល ស្រុកកៀនស្វាយ ខេត្តកណ្តាល ។ ក្រោយពីពិនិត្យយ៉ាងយកចិត្តទុកដាក់របស់សមត្ថកិច្ចជំនាញចម្រុះអស់រយៈពេលជាច្រើនម៉ោងមក ត្រូវបានអះអាងថា សាកសពពុំមានស្លាកស្នាមអ្វី គួរឱ្យកត់សម្គាល់ទេ ។
Yបើតាមការសន្និដ្ឋាន គឺស្លាប់ដោយសារលង់ទឹកហើយ ។ សពស្លៀកខោស្ព័រជើងវែង ពណ៌ខ្មៅរឹបក.ជើង ពាក់អាវឆ្នូតប្រផេះដៃវែងមូរដៃខាងឆ្វេង មានកម្ពស់១,៦២ម៉ែត្រ ធ្មេញល្អិតពេញមាត់ អាយុប្រហែលជាង៣០ឆ្នាំ ។
សមត្ថកិច្ច រួមទាំងអាជ្ញាធរ សូមអំពាវនាវតាមរយៈការផ្សព្វផ្សាយនេះ បើសិនជាបងប្អូនណា មានបាត់សមាជិកគ្រួសារ ដូចរៀបរាប់ខាងលើ សូមមកទំនាក់ទំនង ជាមួយនគរបាលស្រុកកៀនស្វាយ ដើម្បីទទួលសពទៅធ្វើបុណ្យ ខណៈសពត្រូវអាជ្ញាធរធ្វើការបញ្ចុះនៅវត្តប្ញស្សីស្រុក ក្នុងភូមិ-ឃុំកើតហេតុខាងលើ ។
No comments:
Post a Comment